Ettersnakk med Ymist og Kari Veiteberg

Etter framsyninga Melancholia I-II inviterer vi til ettersnakk med Ymist, ved Erlend Samnøen og Morten Espeland, i samtale med Kari Veiteberg om framsyninga, boka og historia i Melancholia skriven av Jon Fosse.

● Kari Veiteberg er prest, fagteolog, teatervitar og tidligare biskop i Oslo bispedømme. Ho har vore prest i ulike samanhengar, både i Den norske kyrkja og i mange år i Kirkens bymisjon. Som nynorskbrukar og ihuga Jon Fosse lesar har ho delteke i diverse samtalar og halde føredrag oppi gjennom om dei ulike bøkene, dikta og salmen hans. Ho har også og skrive nokre bøker, mellom anna om Bibelens kvinner og boka Bibelen på 200 sider – frå dei første sju dagane til verdas ende på Kagge forlag (2021). På Black Box teater blei ho i 2010 kjend som prest i framsyninga Over Evne III av Pia Maria Roll & Marius Kolbenstvedt.